images
images

राष्ट्रिय राजमार्गमा भएको ढिला सुस्तीप्रति सरोकारवाला निकायको ध्यानाकर्षण

बागलुङ । बागलुङको तेस्रो जिल्ला सभाले राष्ट्रिय राजमार्गमा भएको ढिला सुस्तीप्रति सरोकारवाला निकायको ध्यानाकर्षण गराउने निर्णय गरेको छ ।

बागलुङमा मध्यपहाडी लोकमार्ग, कालीगण्डकी कोरिडोर र सालझण्डी–ढोरपाटन सडक गरि तीन वटा राष्ट्रिय राजमार्ग छन् ।

ति राजमार्गमा निर्माण व्यवसायीले लामो समयदेखि ढिला सुस्ती गर्दा समयमै काम नसकिएपछि जिल्ला सभालेनै सरोकारवालाई ध्यानाकर्षण गर्ने निर्णय गरेको हो ।

सोमबार जिल्ला समन्वय समिति बागलुङले पत्रकार सम्मेलन गरि जिल्ला सभाको निर्णय सार्वजनिक गरेको छ ।

सभाले राष्ट्रिय लोकमार्गसहित कुश्मीसेरा बरेङ–शान्तिपुर सडकको प्रथम खण्ड, लगायत जिल्लाभर संचालित प्रादेशिक सडक, भवन, खानेपानी योजना र पुलहरु निर्माण गर्न ढिला सुस्ती गर्ने निर्माण कम्पनीलाई समयमै काम सक्न आग्रह गर्ने निर्णण्य गरेको जिल्ला समन्वय समिति बागलुङका प्रमुख अमरबहादुर थापाले जानकारी दिनुभयो ।

बागलुङ नगरपालिका–१० गलुवामा निरन्तर रुपमा पहिरो जाने र वर्षातको समयमा सडक अवरुद्ध हुँदा दक्षिण भेकका नागरिकलाई आवतजावतमा कठिनाई हुने गरेकोले पहिरोको रोकथाम गरी सडक सुचारु गर्न गण्डकी प्रदेश सरकार र संघीय सरकारलाई अनुरोध सभाले निर्णय गरेको प्रमुख थापाको भनाइ छ ।

सडक अवरुद्ध हुँदा तत्काल आवतजावतको लागि वैकल्पिक मार्गको खोजी गर्न सम्बन्धित निकायको ध्यानाकर्षणसमेत निर्णय गरेको उहाँले बताउनुभयो ।

जिल्ला भित्र संघ प्रदेश अन्तरर्गतका कार्यालयहरु तथा स्थानीयतह र गैर सरकारी संघ संस्थाहरुबाट यस चालु आर्थिक वर्षमा सम्पन्न गर्न बाँकी रहेका योजना तथा कार्यक्रमहरु गुणस्तरीय रुपमा समयमै सम्पन्न गरी शत प्रतिशत प्रगती हाँसिल गर्ने व्यवस्था मिलाउने सभाको निर्णय थापाले बताउनुभयो ।

सभाले जिल्लाको महत्त्वपूर्ण गौरवको परियोजनाको रुपमा रहेको ढोरपाटन जलासययुक्त विद्युत परियोजना र कालिगण्डकी “बि“ विद्युत परियोजना निर्माण कार्य प्रारम्भ गर्न ढिला सुस्ति भएको पाइएकाले तत्काल परियोजना निर्माण कार्य अगाडी बढाउन नेपाल सरकार समक्ष अनुरोध गर्ने निर्णय गरेको उहाँको भनाइ छ ।